記憶中綵燈會啲節目都幾悶,唔係唱歌就係跳舞,不過好耐冇去過又去下.穏陣起見,都係去翻最熟識既文化中心,呢度有樓梯坐前面冇咁遮擋.我入場比較遲,座位都冇得七七八八,但唔知點解中間有幾個位係冇人坐,我梗係唔客氣啦,始終影相係對正比較好.
一開場就係區瑞強同鄭志誠唱歌,都好係識既人.
之後有啲社團唱歌跳舞,坦白講係唔多精彩,直至有多國小朋友,表演普通至小衫比較靚.
終於有雜技表演,靜態嗰啲唔影喇,打跟斗快門又唔多夠快,最後得呢張還可以,可惜又出咗界.
跟住又有武術,專影跳高動作先,原本九節鞭都好精彩,可惜條鞭同淺色背景黐晒底,影完出來隠咗形.