2013年9月9日 星期一

影游水


我之前只影過一次游水,不過係傷殘人士的.今次先係第一次影正式既游水比賽


不過.......泳池邊只俾兩個人落去影,即係只可以輪流落去,未排到既就只可以在觀眾席影,咁都算啦.仲要近前半邊池觀眾席係留翻俾運動員,要影只可以去真正既山頂位影,但係我冇600mm F4.唯有去池尾用盡200mm影吓泳帽,最慘仲要係大背光,F2.8都只係啱啱夠,後尾我都有攞支200-500mm出來影,不過用到iso 3200都唔夠而且noise多到好似落雪咁,最後係一張有用既都冇.


好不容易捱到可以落池邊,第一件事係影吓起跳啦,原來好鬼難影的.對焦其實可以對定先,主要係唔夠快門速度.衝前嗰吓真係好快.搞咗好多張遇到跳得比較高既冇咁衝既先影到.


半空中既真係好難影,為咗保證有相.........呵呵..........哈哈,影未跳嗰吓係一個辦法.其實都跳緊架,中間有一個人偷步哦.


跟住自然係要影齊四式啦,首先影蝶式,原來又係好難影的,我原本想影正面,但係通道真係超窄,運動員又行來行去,好似好阻佢地咁.試咗一陣就放棄咗,其實個頭打開既時間真係好短,好多時對焦都對唔切,又或者對得中但對手又唔係張到最開.終於走翻去側邊影.氣勢真係差好遠.


最好影既係背泳,因為塊面永遠向上.除咗有時會被水花蓋過,係咁狂影多數有相.要考慮既只有隻手擺位靚唔靚.話就話池邊影咋,其實200mm都係最多影到三條線左右.不過第一線多數唔開,所以實質上只有兩條線影.其中一個方法就係唔影咁大頭,影兩個人比拚.不過要碰碰運氣啦.好彩今日啲人實力幾平均,經常有兩個人甚至以上既畫面.


跟住係蛙泳,都算易影,一下一下,節奏唔太難估.停留既時間亦冇蝶式咁短.


最後就係速度最快既捷泳,好多人叫自由式,其實係唔啱既,自由式意思係你用乜泳式都得,但由於捷泳係最快,所以個個都游捷泳.捷泳是側邊呼吸,企池側應該對到正好易影,不過實情係有水準既泳手係唔多呼吸的,兩三啖氣就游晒成個池.你企唔啱位就只可以影水花.
寫到呢度真係覺得自己個Blog好核突,啲相出晒界,文字窄到死,又冇回覆框,又冇留言通知,除咗可以放大相就冇乜好處.坦白講想再搬,搵緊新地方.


33 則留言:

  1. 角度好正 , 影出精粹 , 不要停 , 繼續寫 !

    回覆刪除
  2. 你影嘅都係動態的運動相要好高技術!

    回覆刪除
  3. 點解以上留言變成意見呢?

    回覆刪除
  4. 來望望島先生嘅新居!(''-^.^-'')

    回覆刪除
  5. 來看你呀,也到你 wordpress 去留了言。

    回覆刪除
  6. 祝島Sir中秋佳節愉快^^

    回覆刪除
  7. 島sir,我都過左黎呢面呀。

    回覆刪除
  8. Every time I came to your block, I always learn what the problems are and how you overcome them. Thank you my Master!

    回覆刪除
  9. 好高興見到大家,中秋節快樂.

    回覆刪除
  10. 我覺得最好睇/最好玩既運動就一定係游水啦!
    祝你中秋節快樂呀!

    回覆刪除
  11. 不愧影運動高手,非常清晰、非常靚。

    回覆刪除
  12. 島兄,好開心再看到你的Blog.我是 wong sing tak 我的新 Blog 地址是 http://stw56230312.blogspot.hk/.有空過來坐坐.

    回覆刪除
  13. 島兄~你好,因為搬家出了亂子,現從新更正我的新網址:http://kamchoa.blogspot.hk/
    歡迎隨時光臨指導)!

    回覆刪除