啲雲真係分佈得幾靚,等到差唔多日落就上去水管個鐡籠度影,點知個太陽又係走得勁快,早好多就俾雲遮住,唔緊要啦,可以影吓啲雲,真係奇怪,呢個秘位竟然都有人來,冇計,厚住面皮啲喺佢旁邊set石膏手,上次我已經視察過,鐡籠地下係網線結構,不利用腳架.嗰個人唔知係咪怪我冇同佢打招呼,期間耐唔耐就搖吓個鐡籠,真係被佢玩死,好在唔駛長曝.原本諗住影幾張翻去夾,最後用一張出幾個曝光量就搞掂.單張既好處係唔驚有嘢郁既地方有鬼影.雖然用圖層夾相都唔會好似HDR咁周圍都係鬼影,但活動物體在夾線區上就會有問題,而左邊的樹葉就正正係死穴.諗住等吓有冇火燒雲,結果係冇既.
沒有留言:
張貼留言