年年驚蟄過後都實係啲天陰陰,灰矇矇既天氣,唔多啱影風景,明知蟲仔應該唔多,都冇計去松仔園碰碰運氣.
一路行到上入口都係乜都冇,到落樓梯先見到呢隻平時都唔會點影既蜘蛛仔,今次我想試吓夾相增加多點景深同盡量影大啲,二話不說加埋個1.4增距,實在太震搞唔掂.齋180微距影到盡1:1其實都唔易,影咗三張就算數,事後都要裁頗多先有咁大,而景深其實只係包到啲眼同前面匹鬚.
行行吓地下有蛙,好小見佢唔係喱埋一二邊,我今次扒地影咗六數用來疊,好在支閃燈頂得順係咁閃.
竟然超好運見到有隻蜉蝣飛到葉底,但係佢所處地方係懸崖邊,我唔係好敢企咁出,姿勢唔多穏定,只係影咗兩張來夾就算數,放大睇個身中間係矇矇地的.就係得咁多喇.
松仔園是否好多這類既昆蟲架, 蜘蛛好似好大隻咁喎, 你唔驚咩...
回覆刪除效外地方點都有啲昆蟲.隻蜘蛛其實好細隻,冇乜好驚,大嗰隻碰唔到 :P
刪除精采啊！
回覆刪除謝謝鼓勵 :)
刪除影得好靚喔, 特別青蛙好靚, 最後那張好得意, 條尾咁長。
回覆刪除初夏會多D昆陽影架?
謝謝鼓勵,其實真係好小昆蟲,比起幾年前係天壤之別.
刪除隻蜘蛛"仔"放到咁大又咁清晰，我第一眼望到個心都離一離.... :p
回覆刪除哈,但係我覺得好靚 :P
刪除放大的蜘蛛都幾「恐怖」，好彩其後兩張得意啲，不過，三張都好嘢。
回覆刪除謝謝你的鼓勵 :)
刪除圖二. 好像是另類的蛙。圖三. 似蝴蝶又像蜻蜓。三張都影得很精彩！
回覆刪除謝謝鼓勵,圖二是非常普通的青蛙,次次去都見到咁滯,通常都喱埋一二邊,今次在空地比較小有,圖三是蜉蝣,只有一日壽命.
刪除漂亮的蜉蝣,只有一日壽命，太可惜了！
刪除做物者的設計 @@
刪除好靚呀！最後個張你唔講我以為蝴蝶。謝謝分享。
回覆刪除謝謝你的鼓勵 :)
刪除蜉蝣你都影到, 要比爆讚賞你喇 👍^n /i.e. 👍 X n次方＝ ? 👍; 答案係.. 數唔倒咁多個 👍 。
回覆刪除蜉蝣聽得多, 從來唔知係乜野樣, 你影得佢都靚仔喎 。
短片 成年蜉蝣的一天（也是唯一的一天）https://youtu.be/T5HV-PsLPLE
短片 Mayfly's lifecycle https://youtu.be/dzbLuLzMWE4
短片 Mayfly Madness https://youtu.be/1r1wxLKhE2o
短片 Mayflies Invasion https://youtu.be/K4UHcoGKBVc
短片 Mayfly invasion https://youtu.be/5iyocigBFvA
謝謝你的鼓勵及資訊 :)
刪除隻蜘蛛好似好大隻!
回覆刪除其實好細隻,行過都未必發現到佢 :P
刪除每次你去松仔園,我就知你係去蟲仔園.
回覆刪除哈,我老婆話係傻仔園 :P
刪除