商場內的比賽,肯定唔會係閉門,普通人都可以參觀.有冷氣,可以食埋飯先慢慢行過去.
不過.....劃出既地方肯定有限,觀眾席超近,地下加擋板,再加喇叭,大會攝錄機,都已經冇乜位望到入去,加埋自己友企到前一前睇,觀眾席變咗休息位,乜都睇唔到,大會攝影個位都唔駛恨,原本對住Banner夠晒代表性,但個個楝晒喺度,背景肯定花到無倫,無奈要侷住上樓上用長鏡影.
斜影會搞到個視角好怪,個人有啲似瞓喺度,不過都好過同後面黐晒底.
影完單拖會有對賽,其實都係噱頭來,即係一人睇住另外一人跳,之後互換角色,最後評判俾分,淘汰一個,時間冇慳到但就唔多公平,萬一兩強相遇原本銀牌都會變咗唔入圍.動作太多,我專揀啲人倒轉既.如果兩個人走得夠近,200mm剛剛好.
對霹靂舞來講,唔用手都係好平常.而呢個角度係要樓上先影到.大會攝影只會影到一前一後.
如果兩個人走得太開既話,200mm會影唔晒,好彩我都有帶135mm,直情頭不著地都得.其實當日係有女子賽的,不過佢地個個都係對晒評判跳,而好奇怪評判後既樓上係唔俾人企的.
場地好似好細又有啲亂咁喎
回覆刪除舉辦單位只係想要商場個位,觀眾席係做樣 :P
刪除哈哈!商場舉辦乜嘢節目都是為了吸引人流,肯定唔會閉門,越多人越開心。
回覆刪除好彩有樓上,地下基本上遮晒乜都睇唔到.
刪除你捕捉到參加者的有趣神態!
回覆刪除哈哈,確實有啲表情幾搞笑 :P
刪除他們身體能力真令人驚呀。我又担心他們頭髮磨薄了。
回覆刪除你的擔心都有啲道理 :P
刪除霹靂舞除咗技巧,都幾耗體力
回覆刪除係呀,好似玩雜技咁 :P
刪除