見交通都算方便,我又去襯吓熱鬧.呢類商場展覽仲要係大型展品,通常問題就係背景好雜,我想試吓盡力整矇個背景,帶晒三支大光圈鏡,50mm,85mm及135mm.
首先梗係要影主角大高達啦.用50mm我已經覺得係不可能的任務,永遠有人用電話企正前面.不過只要耐心等候事情係有轉機,用埋85mm都仲得,最後挑戰埋135mm,原本仲想退後啲,但已經頂到扶手電梯.可惜雜始終係雜,最後只能夠咁.
另一方向有個Q版的,用135mm的話要企在通道上,只好用85mm,背景都係雜.
高達復仇的安魂曲既高達變咗奸角,人人話醜,你覺得如何?
反而渣古變咗主角,用百鳥歸巢既方法砌出來都可以同高達打.
最後有個打卡位,可以自已扮係模型零件.
而家去屯門方便好多，高達展一定吸引不少高達迷啦！
回覆刪除唔知高達迷,仲有好多普通市民 :P
刪除我諗係因為地方淺窄，主體同背景的距離不遠，無論你點努力出盡法寶，個背景都係有啲花綠綠，如果係我就會用PS將背景整到化哂，化到亞媽都唔認得，不過我知道好多人唔喜歡太多人工化。
回覆刪除的確係,背景太近點搞都係差唔多,PS我OK的,但效果唔係好自然.到發展到更好的時候先用.
刪除I think these are great photos :)
回覆刪除Thanks very much, have a very nice Sunday.
刪除你係高達迷嘛，咁高大夠晒呀！😉
回覆刪除我其實唔算好迷,冇乜幫襯買模型 :P
刪除你影高達好威武啊 ! 第二幅相完全影唔到其他人 ( 正 )
回覆刪除謝謝你的鼓勵,影唔到人真係要講緣份 :P
刪除冇法啦，地方淺窄，好難影到背景「矇」的相。
回覆刪除香港地的特點.
刪除