天水圍公園鳥攝

去天恩河的時候認識了一位攝友,得知天水圍公園有個靚位影雀背景好乾淨,不是吧,實際上我在紅花風玲開花時去過,雀都唔多隻喎.

聽說是瀑布位,咁走去睇吓,仲唔係呢度,不過要在欄桿中間啲罅隙影過去,而且有點高角度,但正因為欄杆,啲雀警戒心低咗,走到好埋,可以影到佢地喺度玩水,位得一個,人多就要分開影,但大動作又好易嚇走啲雀.

朋友話唔係呢度呀,係行過小小穿過啲草上去,有石級地坐,對正瀑布邊,係喎,去到有幾個人影緊.白鴿類係普通啲,玩水都OK呀,個位真係唔錯,但好遠,300mm要加2x仲要裁.

水池位就要等,但身邊其實好多普通鳥,呢隻埋到幾乎爆框.

二號玩水鳥又來,好彩要影埋啲水花,否則隻雀都幾細,要裁好多.

時間有點晏,開始冇乜光,走翻去剛剛來既位睇吓,又有嘢影,可惜水花遮咗小小眼添.