今次大陣象,為咗要影呢隻印支綠鵲,特登上深圳瞓咗晚,朝早一早去仙湖植物園既化石森林等佢.事實上係老婆覺得即日走好趕,咁就順便.
早餐店一開就去買早餐,搭地鐡到仙湖值物園好近,但之後要行30分鐘上山,好在全部係車路,見到成堆炮陣知道冇去錯地方.隻雀果然出來,原來啲人擺咗嘢食引佢,初初見白雪雪以為係麵包,原來係肥豬肉,天色好灰,ISO 800,開盡光圈F5.6居然得1/40秒快門.唔可以再高ISO喇,因為我得支100-400mm,要裁得好盡吓.後來光翻啲,幾經辛苦先影到幾張清,可惜位唔多靚,背景好亂.
可惜隻雀飛走咗,啲人又再擺豬肉,等咗幾耐吓佢又出來,今次終於停翻個靚位,瘋狂連拍希望慢快門下有幾張清,呢個時候可以用ISO 500都有1/80秒快門.
同一個位,今次影埋佢開冠,任務完成,隔離樹原來係影朱背,見到佢出呀,但喺樹頂好細隻,無奈只好放棄.
What a beautiful bird! A delightful animal :)
回覆刪除Thanks very much, great to see you.
刪除印支綠鵲的羽毛色彩又幾靚喎
回覆刪除毛色鮮艷之餘個條黑眼帶夠特別.
刪除園內遊覽車應該可以去到化石森林附近的多肉園，行去化石森林好近，太早未有車嗎？
回覆刪除可以去到一半路程左右,買車票嗰個人話去唔到我就冇搭.聽聞要早去,太晏去食飽咗唔會出來.
刪除呢隻雀毛色又幾靚喎.
回覆刪除唔錯架,幾搶眼.
刪除它眼睛很漂亮！
回覆刪除是的,又大又圓 :)
刪除印支綠鵲好靚羽毛色彩分明 . 眼又好清晰明亮 .
回覆刪除謝謝觀賞 :)
刪除掂呀！😍
回覆刪除謝謝你的鼓勵 :)
刪除話你支長鏡都好勁喎，影到咁靚雀仔，300mm？
回覆刪除400mm,但實際上係唔夠長,幾乎裁到100%先有咁大 @@
刪除