去完鳳園都隔咗好耐,又係時候去餵吓蚊,唔知點解就去咗龍鼓灘.
哎呀,原來做過剷草工程,出面草地幾乎移平,再行入裏面,師兄構建的火山洞供水設備都移除咗,搵搵吓居然有隻特別蝶,佢瞓平,要高抄,好彩都夠距離,背景變咗泥土既顏色.
本來雨後冇乜蝶,一出翻太陽啲蝶就開始出來,好似係第一次見呢種弄蝶,扒在水珠上都幾得意.毛色也不錯.
以為冇乜蝶,目標紅鋸居然上花,想再走近啲突然有隻大狗衝出來嚇走隻佢,原來有人放狗,命中注定都冇計,狗主仲問我驚唔驚咁大隻狗,唔知點答佢.
走過去水溝對面亂草地搵吓,有普通蝶交尾但個位好衰,而且佢警覺性好高,行近小小都會飛走,搞咗幾次之後終於有個背景冇咁亂既位.呢個位影唔到就白果喇.
亂草地仲有隻幾鮮色既弄仔,又係專停衰位,好彩失去咗又見翻佢,最後只可以咁,遮咗小小肚.翻到屋企老婆話知我去咗影蝶,因為面上已經多咗幾撻蚊咬痕跡.
去鄉郊地方最怕係啲狗，趕走隻蝴蝶事小，比佢 kiss 一下就事大，坦白講，我最驚。
回覆刪除初初畀佢嚇一跳,後來見到有人帶先冇咁驚.
刪除我見慣狗，但都驚大狗。
回覆刪除蝴蝶靚喎，你算唔算係有意外收獲😄
都算意外收獲,可能出翻小小太陽關係.
刪除開心有收獲，但都被狗狗嚇一跳。
回覆刪除嚇我事小,嚇走隻紅鋸真心痛 :P
刪除好靚. 蚊子會羨慕你嘅拍照技術.
回覆刪除謝謝鼓勵,蚊子掛住開餐多啲 :P
刪除相影得好靚 , 但你比蚊針真係得來不易啊 !
回覆刪除謝謝鼓勵,蚊子真可惡,唔可以去咁密 :P
刪除Beautiful butterflies, they are definitely hard to catch and capture in a photo :)
回覆刪除Thanks very much, have a very nice day.
刪除突然一隻大狗走出來，唔驚就假。狗主問你驚唔驚，真係唔知點反應。蝴蝶拍得好靚，主體突出，背景模糊。
回覆刪除謝謝你的鼓勵,狗主都係問咗當冇事.
刪除