靜英英山寮

天氣咁熱真係唔想去咁遠,冇想太多又去咗山寮.

到神壇的路爆咗水管,想入去要由另一端踏石誇過河面,有啲危險,一係就澗水,兩個選擇都唔多妥當,反正裏面好似唔見有蝴蝶,就唔入去住,點知係路上見到小東西交尾,要在水邊窄路攞架生真係有啲驚,萬一有人要入去就好論盡,唔理得咁多,垂直佢地既位置剛啱有條衰草遮住,只好斜斜地影咗先,之後剪草失敗嚇走咗佢地.

踏破鐵鞋都冇蝶,終於河對面見到蚜灰仔,上次都差唔多位置影過,今次位向比較好,呢邊不受歡迎係因為好暗,400mm焦距但用到1/40秒先夠光,搞好耐先影到一張OK.

之後就乜蝶都見唔到喇,回家路上見到獵殺畫面,龍眼雞屍骸都冇咗一大忽,但背景靚都照影啦.