天鵝湖花園

網上睇到呢度有得鳥攝,雖然要一早上大陸,唔算太遠可以試吓.搭深圳地鐡到穚城北行去都係11分鐘,七點半前就要到,否則影既時間會小咗.

點解咁有限制,因為有幾個人每朝會喺度開壇,抛魚或者田雞引啲雀鳥爆水捉魚,可能啲雀已經慣咗畀人餵,我早咗去到,佢地一見人已經飛晒去附近既樹上等,同出海影差唔多,不過灰鷺大隻過海鷗好多.好容易影.

鏡頭唔駛好長,300mm都足夠,因為啲食物抛唔到幾遠,其實呢度主要目的係影隻鷹搶啲灰鷺嘢食,不過嗰日佢只出現咗一次,而且影唔到佢正面有啲可惜.

逃過一劫再次助跑起飛,啲人唔會不停咁掟魚,大約半個鐘一輪,每輪掟三次左右,影完第一輪會有人攞個付款碼出來一人收十蚊人仔,買食材都要成本既,比起出西貢影係平得多.

影埋爆水,九點半係時候收工.