流浮山鳥攝

上次去天恩河有師兄介紹流浮山都可以影雀,交通還可以,唔駛行好多路.地點就係遊客會去既流浮山大街盡頭,即係有隻大蠔嗰度.

環境實在係好,有水泥平台,唔駛踩蠔殼或者沙灘,雖然角度就高咗啲,要減小高度既缺點最好就係打飛,呢種鳥飛得幾快吓唔易影,但好好彩佢啱啱轉彎慢咗落來而且正面對住我.所以好多時背向都唔好放棄住.

嗰日出奇地多白鷺,有個路人同我講你發達喇,未見過咁大場面,就咁飛既已經影得太多,捉魚都可以影一下,高角度其中一個問題就係背景會變咗泥灘.

其實仲有幾種鳥例如反咀鷸,黑臉琵露鷺,池露鷺等,不過全部只係掛住撥泥搵食冇乜動作,好彩有兩隻鷸仔玩追逐離晒地又飛起晒泥咁.