自從舊攝影會停止運作,三叔體育節又唔再開放落泳池邊影相,已經有好多年冇影過水球.原本諗住新攝影會只會影吓風景,旅行等題材,點知都有啲運動比賽影.
咦,點解個場間細咗既,得翻半個泳池,分分鐘龍門射龍門都入,失驚無神中場就來一下遠射.
要盡量影多啲有水花既先得.
九龍公園泳池雖然係室內,但頂部係透光的,雖然陰天,ISO都唔算好高.
正一烏鴉口,轉個頭落雨成個天黑晒,得翻室內燈光,快門降一檔之餘,ISO要谷到4000.幸好現在軟件降噪做得幾好
唔好成日淨係影龍門,都影吓中場爭奪.
嗰日都有女子組,細場設計其實就係女子組比賽標準,可能係咁費事改個場吧.
精彩👍
回覆刪除