咁耐都冇乜興影燈飾,主要係覺得好亂,冇乜特色.今年近近地去應吓節.
主要係想影呢啲字啦.要用魚眼影先有氣勢,要唔斜話,其實得一個位置最啱,有人喜歡得個天黑晒先影,咁啲字就會冇大厦干擾好似寫在黑板上咁,我就喜歡有啲大厦襯吓似係城市景,
之後就係等個天再暗小小藍啲,呢個時候剛啱有架巴士停正我面前,唔緊要啦,一盞交通燈時間啫.咦,點解唔走既?原來係觀光巴士呀,車長直情休息.........估唔到結局係咁.
