2016年3月27日 星期日

霧鎖濠江

去澳門……呀,我唔鐘意賭錢的,景點我都去得七七八八,冇乜興趣喎.但係老婆叫到,當去食吓嘢囉.臨去前上網搵吓有乜好玩,原來去主教山可以影到旅遊塔加澳氹橋既大景,如果係夜景應該唔錯,可惜………去嗰日能見度幾乎係零,碼頭一味話船有機會延誤,好慘呀,最終腳架都唔帶喇.

 
 
坐老婆最推薦既松山欖車上觀景台影出去,白茫茫一片,都係算把啦.
 
 
相信大家去澳門都去慣去熟,尤其我地行程冇乜特別,冇乜好講,想講吓住既酒店,原本冇乜期望,估唔到個view都唔錯喎.這興起了我想影夜景的念頭,但係........冇腳架 @@
 
 
再過去朋友間房睇睇,望到泳池,老婆知我要影相,佢覺得呢邊靚啲,就叫朋友換俾我地,真係唔好意思.問題喇,冇腳架點影夜景?冇錯係可以開大光圈,高iso手持影,不過一場來到我想影靚啲.其實搵啲枱枱凳凳砌個平台放相機唔難,但變咗只可以水平取景,想相機向下就..........終於我出動我既銀包......咪誤會,唔係去買腳架咁敗家,只係用佢攝斜部相機,加其他雜物調埋個水平,都花頗多氣力.唔敢用到二,三十秒快門,Magic hour得一陣,搞彎咗就弊,最後係用六秒搞掂.
 
 
再影wide小小,其實歪歪斜斜唔係咁好睇,一場來到都照影啦 :P
張貼留言