一係唔早,一係早到盡.睇定港鉄同76K巴士頭班車時間,太和港鐡係5:47,而上水巴士係6:00.真係好敏,計埋車程恐怕要跑去巴士站.因為一趕唔到下一班就係6:30.終於趕到,似乎呢班車都係夾定俾頭班港鐡啲人搭的.不過……懶醒累事,一見到新田就落車.點知荷花池係另一邊路尾,行餐死.跟住原來近荷花的位置河對面,又走錯方向搵來搵去搞到七點幾先開始影第一張相.求其影張荷花綠底開吓齋先.
這邊是背光位置,淺色既荷花冇咁易爆光,而且陽光穿過草叢做成一點點光點,就利用佢來襯吓啲花同葉.為咗要晒塊葉,搞到朵花有啲矮添 :P
試吓影wide啲即刻覺得好亂,啲花其實唔疏,不過係同對岸有啲距離.
再加埋水影啲wide景,太陽已經開始高,荷葉面白晒.都係時候走喇.
過翻對面再視察吓環境,原來都仲可以影吓倒影,懶得換70-200mm,有啲爆框都算喇,我都係第一次咁影倒影,都幾新奇.
再搵啲低啲既花影多張,開始幾大風吓,等好耐都影唔到一張,而且馬路旁影成日有車經過身後,危險都唔會既,因為啲車實睇到你,但好似唔係好友善,嫌我地阻住佢咁,都係早啲走翻屋企瞓吓算喇.
沒有留言:
張貼留言