2016年11月4日 星期五

影天橋

打風不成本該三日雨,點知好天到爆,死火,乜節目都取消晒,一時間組織唔到.求其搵個位影吓夜景就算.


在天橋上影車軌就試得多,今次試吓影行車天橋上的車軌.咁做要搵個高位,其實之前坐車經過都有諗過呢個位,不過冇再深入研究,直至見人地影得幾靚於是copycat一下. 從相的角度去搵好容易就搵到呢個位.簡單來講就係浸會醫院上的樓梯.日落方向唔啱只好等夜景.呀…影車軌有啲難度,因為大塞車.咁影到一架架車都OK既,坦白講,有時影車軌係迫不得已.夜晚快門想快都快唔到 @@


車軌既嘢,等吓就有,唔係全部係都冇所謂啦,另一個問題係Magic hour既時間真係勁短.話就話有十零分鐘,實則光線最靚既時間得一分鐘左右.如果30秒曝光的話,其實得兩張機會,如果仲要夾相既話,可能一張定生死.萬一啲車唔生性,唔係你想要既形態咁就飲恨.為咗避免咁慘既事發生,乜都唔好理影靚咗個天先,到時先夾,地面全是街燈照明,時間差小小唔會好覺.大家有冇發現兩張相個天空係完全一樣的?分開兩張影的話絶對會係唔同色.
張貼留言