一條長蛇咁唔係好知點構圖,就用正面影個特寫吧.問題來喇,原來好遠的,圍欄圍到好開,影正面用135mm改埋APS-C模式都唔夠大,只好再裁多小小啦.
咁側面影囉,只夠影一個人,一人多就變成一條長條,人好細,照計鬥力好辛苦架,唔知點解好多組都好含蓄喎,唔通知我影緊相唔想咁醜陋?其實成場得我一個人去影咁大把.難得有人咁盡力,等我影咗你個辛苦樣先 :P
食飯時間,叫老婆攞個1.4x增距俾我加長支135mm再影正面先,全開光圈下起晒光暈,要收到起碼F5.6先用得,估唔到咁差喎,乜唔係靚鏡可以全開架咩?算數,影完龍頭影埋龍尾.似乎冇乜特別.
死心不息翻屋企攞支70-200mm F2.8來影,呀.........影完我覺得用135mm裁相好似仲靚.可能快門慢咗冇咁sharp呱?仲有一個難處係好多人一用力塊面就向天,唔係好影到佢正面.
哎呀,真的愛死這個運動員,全場以佢既表情最肉緊,最有娛樂性.影來影去都係差唔多,早啲翻屋企.
沒有留言:
張貼留言