2017年12月16日 星期六

東涌大草地

最近屋企既鳳園好似越來越冇嘢影,好多人改咗去東涌大草地,呢度我都去過,似乎點都會有啲嘢影到,又去下.


一到步有啲不詳預感,有工程開始更換草地外的圍欄,之前既入口冇咗,幸好仲搵到另外一個入口,天陰陰,但都有啲細小灰蝶,翻屋企發覺原來影咗好多都係同一品種 @@


冇嘢影common弄都殺啦.去食飯喇,下午冇嘢影就算數走人.


下午運氣好小小,見翻啲其他蝶,呢種黃蝶好小咁靜,就咁影完仲有人用電筒玩背光,不過我都係鐘意自然啲.


呢個都唔知係乜蝶喇,總之肯停就係好蝶,一時大意遮咗個肚添.


忽然大家瘋狂去影一隻眼蝶,仲話咁既普通嘢都搞到咁可以想像到幾冇嘢影,我望一望好似去南嶺影過嗰隻,睇真啲原來唔係喎,係多啲眼的,佢身處環境都幾雜,結果張張相都有啲草直插蝶身,好在我仲夠道行事後清咗佢.
最近聽到壞消息話草地既草已經被剷晒,恐怕又會變成另一地產項目.

沒有留言:

張貼留言