比賽在公園球場進行,已經都好早來,但好位一早冇晒,連大背光位都滿人,真係估唔到,反而側光位仲有小小,事實上塊面都係陰影,一出場係小朋友組,速度比較慢反而仲難搞,不過佢地全部係賽一個圈,好快就完,我初初企喺度影,但地面太淨色,佢地又跑得好散,搞到好似冇乜效果,幸好手腳郁動都有啲動感.
咁又試吓出凳仔,低角度係影到背景夠花,但佢又同後面啲跑手黐晒底,我到影完晒先晃然大悟,其實乾,淨背景啱啲,只要啲人走得夠近,,就可以影到一大堆人又有動感既畫面,就好似單車館影單車繞圈賽咁,但啲人又散喎.
試得兩試上午既比賽就完咗,下午光線既方向改咗,正光位冇遮冇擋曬死,冇乜人同我爭,一開始竟然係單人賽,都好,影佢地起步Fing晒手腳既畫面.
同我一齊來既兩個朋友已經走咗,佢地話下午長途賽會好悶,我唔同意呀,不停轉圈先多機會影嘛,呢邊背景仲冇咁花.
這種影運動員剛出彎的構圖事實上比長距離一條直線上的動作難,一來出彎時速度比較慢,快門真係要夠慢先夠動感,二來運動員係有小小向你衝埋來,即使仔節奏好啱,但如果相機既對焦系統一下唔生性,咁就一切都白費晒.我都因為咁炒咗唔小相.
去到直路先開始影就易得多,但如果啲人走散晒,就會影到單一個就來衝出畫面既人,變得好怪喇.
沒有留言:
張貼留言