天氣仲衰,灰灰矇矇咁,天氣報告話會好大風,咁上山又好斜,又要行粒幾鐘由東涌去深屈,就捨wide鏡帶重型腳架,我計好晒架喇,85mm加1.4x就啱焦距,呀……….天有不測之風雲,明明好灰,突然都會火燒天,同朋友講你唔帶wide鏡小心會後悔,點知我自己就真係冇帶.好彩我有帶咭,黐佢部機影翻兩張唔駛食白果.
跟住就係等夜景,仲諗住有好多車軌添,原來係好疏落,都費事慢慢儲來夾,就咁影完就算,其實仲有幾個位都可以影到大橋加人工島,不過影到成條抛物線咁就係呢個位,老遠好細光光地嗰度係另一個海底隧道出口.影呢兩張相都幾貴架,由於過咗7點冇船走,侷住又係打的,好貴.
沒有留言:
張貼留言