影完煤氣廠覺得幾得意,雖然我知道發電廠冇煙噴冇咁好玩,不過南丫島發電廠好似冇乜好位影,應該幾啱用航拍.
天色灰沉沉,日落又冇行,但我都飛出去練習吓路線先.睇以為好近,原來要飛好耐吓先到的,影到三支大煙通.冇日落,冇藍天真係冇乜睇頭.
順便轉個方向影吓島上面景物,都係好一般.之後我想飛去正面影個全景,真係勁遠,呢個時候....訊號弱,請調整天線角度,未夠遠哦,再搏多小小,卒之,畫面變成定格黑白,死火,飛甩我其實都試過,上次影鳳眼籃出事後個鏡頭唔郁得,但當時距離近,可以靠目視自己回航,今次都唔知去咗邊.只好靠自動回航,好在,聽到引擎聲,執翻身彩.
到咗夜景既時刻,剛才陰影仍在,都係唔好飛咁遠,就咁高高地影側面算數.實在係好暗,ISO 400都要用到兩秒,只好狂影多幾張,最後都有兩張中.
嘩!!! 好驚險!!! 加油!!!!!
回覆刪除謝謝你 :)
刪除最後個張都唔錯喎，不過就驚險啲
回覆刪除謝謝你的鼓勵 :)
刪除我剛在[香港雅虎]網站看到 "航拍機失控直墮山貝河 男子駕舢舨欲救機反被困" 的新聞。
回覆刪除祝福你事事順利。
呢啲新聞都幾得人驚,如果我跌咗部機我應該唔會執 :P
刪除天氣差都好難影靚相。
回覆刪除是的,就算夜景都一片灰矇矇.
刪除哈哈！航拍機變咗冇尾飛陀，都好彩自己識回航。
回覆刪除聽人講其實飛甩同冇電都識得自動回航,所以唔好在移動物體例如車或船上放飛,因為失聯時回航點係以起點計.
刪除南丫島嘅發電廠範圍都幾大 ~
回覆刪除揾個好天再入去影，哈哈哈
有啲餚底,再入去我都未必敢飛咁遠 :P
刪除好多時候我見D人玩航拍我都會提心吊膽,怕剷過來.
回覆刪除遇着個盲柄都有可能架 @@
刪除咁驚險哈哈, 唔怕, 有自動回航功能。
回覆刪除裡個景只能飛, 影就一般。
嚇餐死,呢個景好多角度都係好平,其實麻麻地.
刪除