2022年6月27日 星期一

越野單車賽

同一日有兩個單車比賽,繞圈賽在公園舉行,肯定冇人阻我影相,但係上網睇睇地形,沿路好多樹木,而且貼在路邊拍距離太近,唔容易用搖鏡手法.越野賽在小輪車場舉行,最低限度可以喺觀眾席影,一於扮家長混入去......

果然好易就入到去,仲有洗手間,飲品售賣機同冷氣等候室,夠鐘先去觀眾席,仲有上蓋遮太陽,真係正.賽事開始.仲未試清楚設定已經走咗好多車.好彩都影到兩架車交錯既畫面.

今次唔係小輪車,即係BMX比賽,賽道唔經最精彩嗰兩個大碗形位,得翻中間波浪形跑道影,而其實好多位係阻住就好似咁,唔理咁多都照影.

觀眾席背後可以睇到越野部份.上斜部份車太慢,冇乜好影,啱啱有個向下斜位可以衝落來,係拍攝好機會.不過焦距要比較長,容易手震.

相信你都睇到現場好多膠紙做成既賽道,地面既情況就變成膠紙陣,基本上全部單車都被切開.

再加埋鐡欄同樹林,真係亂過亂世佳人.

12 則留言:

  1. 膠紙煞風景,但仍然好精彩。

    回覆刪除
  2. 照片很重光感,,騎單車是青少年,也很有陽光感。

    回覆刪除
  3. 越野單車,在咩公園可睇到呢,應該係幾精彩!(*^ω^*)

    回覆刪除
    回覆
    1. 在葵涌賽馬會小輪車場,上單車聯會網頁可以睇到幾時有比賽.

      刪除
  4. 睇單車賽場地有洗手間,飲品售賣機同冷氣等候室還有上蓋遮, 好地方呀 !
    Philip, 你的照片好靚呀 !

    回覆刪除
  5. 哈哈! 扮家長呢招都出埋, 使唔使拖個小朋友入去呀?

    回覆刪除
    回覆
    1. 哈哈,咁又唔駛,何況我都搵唔到個小朋友 :P

      刪除