自從支龍仔70-200mm F2.8跌爛咗之後,一路都係靠135mm影完再裁.咁樣全片幅當APS-C用始終係差咗.最近Sony出咗70-200mm F2.8二代,又輕,畫質又好,不過價錢嚇死人,要超過二萬,諗住退而求其次整支二手一代啦,都要一萬多小小,重都算數,睇測試畫質竟然係麻麻,副廠又冇出,搵支二手副廠單反鏡應該好平,但支舊鏡開晒F2.8影都係麻麻,而我又諗住係全開影室內用.室外用200-500mm就算啦.
用超過二萬蚊去補支85mm同埋135mm焦距太昂貴,於是諗到Minolta支200mm F2.8,話晒係定焦,睇測試全開畫質都好好.之前見到有二手叫價七千幾,覺得唔值.後來就冇再出現過,最近搵搵吓見到有,三千幾就接咗佢翻來.支鏡好輕,連腳架環都冇,同佢大哥300mm F2.8比細咗兩個碼,就連135mm都重過佢,帶埋佢都冇太大負擔.期待出動.
鏡身輕會唔會係因為裡面的鏡片組合較少呢？也許會影響折射質素....🤣
回覆刪除唔再嚇你，期待你的試鏡報告。
應該因為係定焦,唔駛好似變焦鏡咁咁多糾正鏡片,質素試過冇問題 :)
刪除質素好就掂，買鏡頭係要影靚相，質素是首要考慮。
刪除是的,雖然重量都好緊要,但我會擺其次.
刪除對於畫質要求高付出也巨大，包括財力和體力，我祇能站邊欣賞你的佳作。
回覆刪除體力付出多啲冇所謂,財力真係要適可而止 :P
刪除性能好，實用，價錢又平，抵喇！
回覆刪除性能唔夠新鏡好既,勝在夠平 :P
刪除我們就說照片好漂亮，沒想到攝影需要這樣高度技術和機器。知道背景才能欣賞表面的妙趣。
回覆刪除雖說相機後的腦袋最重要,器材都好大重要性的 :)
刪除兩支鏡外型好靚仔。
回覆刪除哈哈,白色係型仔啲 :P
刪除