自從有人出相,FB立即被洗版,可以想像現場有多擠擁.我又驚佢突然注水白行,過咗好多日都依然有人出相.我終於搵咗日平去搏搏.去到小巴站已經見到有幾組人等,有啲擔心會冇位.不過好處就係可以跟住人,唔驚唔識路.網上話搭到總站再跟太陽方向行,照做應該會迷路,實際係村口落再直入就係,方向差咗九十度.
嘩,超多人,好彩側邊仲有啲位,如果五點先到應該就冇晒位.千萬唔好貪近走前啲,啲泥原來好林,聽到哎呀,有個人成隻腳插咗入去,要人扶先起得翻身,不過對鞋同條褲就唔駛要喇.其實咁低角度影係唔靚啲,啲窿窿會好扁同埋遠啲既唔見咗,冇計,雖然後排有高位,但會影到前面好多人囉.有啲低雲,曝曬個幾鐘之後終於要影最後一度光,得到一張人人都有既相.啲人繼續磨爛蓆等火燒天,我就快手快腳走人喇,小巴得19個位,個小巴司機到站打翻台話仲有百幾人喺度,麻煩搵車入來救援.
我沒看過這樣奇觀。世界實在廣闊呀。
回覆刪除香港有很多美麗的地方 :)
刪除正呀﹗我見有人用航拍影，場面好震撼，我就是吾識去，又怕多人，睇你相當我去左啦^_<
回覆刪除其實我都係去到先跟人行,自己搵肯定有排搞,粗略數一數現場起碼有15架航拍機 :P
刪除你哋真係好犀利，爛泥都俾你哋拍出美景。
回覆刪除過獎了,其實個個影出來都係差唔多 :P
刪除哈哈！而家有乜好景我都唔會沖去，怕人山人海。
回覆刪除哈哈,已經等平日過晒氣先去,估唔到都係滿座 @@
刪除都幾得意，好似月球表面。
回覆刪除哈哈,啲人話似火星 :P
刪除天然泥窿 + 黃昏日落, 照片甚美 !
回覆刪除我的 9月18日 網誌 - 和網友們分享我在9月中的生活和見聞 最尾那照片也很特別。
謝謝你的鼓勵,的確你的彩虹照片很特別 :)
刪除