平時經過大排檔見人抄餸抄到火燄沖天都想影低,奈何爐頭多數圍晒擋板好難同時影得到隻鑊同個厨師,有朋友話俾我知深水埗愛文生可以,於是就出動.
原本諗住咁影會唔會俾人趕,原來係冇事既,有好多人都用手機走到好近影,我用135mm遠遠影唔阻佢,不過執料嗰個人喺正中間就成日阻住視線,啱啱搶火佢又擋住就影唔到喇.另外佢有兩個厨師,疊埋一齊又係唔靚,經過多次嘗試先影到呢張比較大火既.
之後轉去前面影反轉上菜,要對正會阻止行人,只好側側地攝咗自己入樓梯度,好難得影到有一張個鑊度仲有火的,記得成晚好似就得一次,一時冇睇清楚佢究竟炒緊乜餸.
後來留意度炒菜係會好多煙,見炒菜就好準備定喇.影影吓見到有同道中人來,我都影咗一輪就讓個樓梯位俾佢啦.
哈哈哈！估唔到炒菜搶火都係島兄拍攝目標之一，我就比較鍾意佢嗰啲夠哂鑊氣嘅小菜。
回覆刪除哈哈,乜都試吓嘛,喜歡食既人當然多啲啦,好多人等位的 :P
刪除你影到、我又聞到的鑊氣，感到肚餓添喎！！！！
回覆刪除要去幫襯吓喇 :P
刪除幾張相都好搶👍
回覆刪除謝謝你的鼓勵 :)
刪除我睇到嘅係每個角落都有自己在為生活打拼嘅方式
回覆刪除啲人話冇必要搞到咁大火,純係表演 :P
刪除原來是愛文生。很近我老家呢。
回覆刪除你有口福 ;-)
刪除Amazing photos. You know, I started to smell food, a beautiful smell :)
回覆刪除Regards!
Thanks very much, have a very nice day.
刪除嘩，搶晒火呀，一定好夠鑊氣啦，正呀！(‵▽′)
回覆刪除好睇囉,啲人話冇必要,純粹係表演 :P
刪除