再探山寮

上次下午先到山寮收獲麻麻地,今次上午去睇吓係咪好啲.

天陰陰的關係,睇怕都係冇乜嘢影,未去到聖壇之前遇到呢對小情侶,無論位置,光線都不甚理想,平時多數放棄,不過驚入到去都可能冇嘢影,就決定用小小時間玩吓.佢地知我影緊係咁轉來轉去,估唔到由原本黑底變咗綠底,我把握住佢地一刻既停頓,影咗兩張來疊,實在太細粒我個位又冇乜支撐,再影大啲應該搞唔掂,事後睇翻我以為係下面飄蟲隻眼原來係頭上一粒唔知乜傢伙,好在景深勉強都包到隻眼.

正想離開之際,就在旁邊的地方發現一堆蚜蟲,影到清晒就冇乜可能,照舊都係疊兩張,景深有幾多得幾多.

最後入聖壇,一如所料好冷清,只有幾乎每次都見到既鈕灰,以前影得唔多靚,今次花多小小時間較正焦平,影翻個倒影.