首支E mount鏡

次次相機革命都梗係搞到好多舊嘢冇晒支援.自從轉咗E mount機,支老爺Tamron 200-500居然認唔到,搞到要用佢的話一係就用翻舊機,一係就要帶兩部機.仲有兩個問題,佢係副廠鏡,舊機只支援中間嗰堆對焦點,有次影龍舟就冇辦法將前面嗰隻放低啲,侷住事後裁.最後一個原因係佢對焦好慢而且放大率低,對稍為活躍既蝴蝶無能為力.

要敗家零舍多理由,蝶友其實推薦咗我好耐,依家幾乎個個用Sony無反影蝶既都實有呢支原廠100-400mm F4.5-5.6,冇乜人再用微距鏡.對焦快放大率都叫做夠用.不過真係貴到癲.支Tamron 200-500只好賤賣,事關防潮箱冇乜位.