慢快門影跳舞

終於搵到有機會試吓用慢快門影跳舞,疫情前多數喺政府體育館搞,隨便行入去就影得,疫情搞到去晒一間小學既禮堂搞,私人地方唔知入唔入得去.

跟多數舞蹈比賽一樣,觀眾,評審都做成一個好混亂既背景,全場唯一最乾淨既背景就係頒獎台,畢竟唔係好規則既活動而且只有一個位影,唔敢用到太慢快門,只試咗1/100秒,標準舞啲衫飄飄吓真係幾靚.

搞搞吓居然有評審企咗出頒獎台前睇,係咪痴線架?個台已經突出咗一忽,你再企前面有必要咩?旁邊咁多位.最緊要係阻住我嘛 :P

長長的飄絮有助顯出旋轉的感覺.

跟住到拉丁舞,其實有好多好大動作的,不過要就背景冇計,只影到啲基本步,好彩評審啱啱唔喺度,否則又變廢相.

呢對個女仔頭髮長,裙又長,轉起來好大效果,可惜一張乾淨背景既都影唔到 @@