印象中福岡在日本來講好似冇乜特別,除咗去市中心比較方便之外,不過有人做搞手不宜太多意見.頭一日去到都有啲晏,行吓商場街就算,原來現在酒店已經變咗三日先執一次房而且冇樽压水送.去到仲要俾消費稅,服務大不如前.
第二日搞手話去太宰府,已經去過所以申請離隊自己玩,海之中道有個風箏節,去到唔見有風箏,不過櫻花就幾靚,今年遲開咗啱啱好.
終於有風箏喇,雖然天上都好多,但離得太遠影出來唔壯觀,只好襯佢仲見到地面就影,夾埋個人睇到佢有幾大.
市中心既舞鶴公園係睇櫻花熱點,特別來影佢既夜櫻,原本諗住在城堡上俯瞰市景,點知唔俾上,唯有下面影佢,做乜外面既櫻花冇燈照架?有點失望.
到了人氣行程油布院,仲要係搭油布院之森,一人要成500蚊車錢,單程兩個半鐘,呢張相得一個機會影,就係落車後等架車開出,我唔知佢即走所以手忙腳亂,未設定好就夾硬影,講翻油布院,我係唔理解點解要來的,只有賣紀念品的店舖,連最出名既金麟湖都好普通.加上又落雨,好失望.
我又離隊喇,影賽艇呢啲活動應該冇人會有興趣,但就好啱我,香港冇得影.
唔單純係比賽,其實等於香港既馬場,不過馬變咗快艇咁解,影埋轉彎既水花.
影到五點就走喇,放棄最尾兩場,趕去鷲尾愛宕神社影埋個夜景.
今日去柳川坐船,特登攞支200mm來影人地隻船,有兩隻船同時出發,最理想係坐先出發既船尾,咁就可以影另一隻船既船頭,唔好彩太多人要坐後出發既船,雖然係船頭但一路都係影船尾,好彩中途有對頭船,咁我又影到船頭喇.
要翻屋企喇,仲有半日,去博多塔影吓日景,可惜呢度五點就關門,冇得影夜景,否則一定安排一晚俾佢,360度景觀,其中一邊可以望到賽艇場添.
跟人地去旅行有時候真係好冇癮，大家興趣不同，雖然對某些行程不喜歡，也不適宜說三道四，像你那樣可以離隊就最好，各取所需。
回覆刪除是的,最緊要自己有單獨行動能力,啱玩的又可以一齊.
刪除我最吾鍾意做攪手，因為每人喜好有不同，人多始終多意見，有人攪跟大隊去我其實又無乜所謂，因為明白到別人攪要費時及心機，所以我多數和家人去玩，九州我未去過，成日覺得景點吾吸引，但我好鍾意坐日本的火車，你都去得好合時，睇到咁靚的櫻花﹗
回覆刪除我都唔鐘意做搞手,朋友話係咪太多意見遷就唔到,實情係個個都冇意見,只當你免費導遊,去完意見先來,我好好彩呀,因為今年涷櫻花遲咗開先睇到.
刪除櫻花好靚，你都影到啲特別節目，唔錯啦！
回覆刪除都算唔錯,好在我離隊有自己節目 :P
刪除金麟湖要睇哂早上霧氣才靚。巨魚風箏很特別，正！
回覆刪除要睇金麟湖霧氣應要住一晚,即日睇到機會好渺茫,巨魚風箏幾乎因掛住影櫻花錯過咗 :P
刪除巨型風箏對比人真係細細 , 賽艇影埋水花真係好刺激.
回覆刪除我都等咗一段時間先等到有個人行埋去,賽艇現場睇係好興奮.
刪除鯨魚好大. 我也開心啦.
回覆刪除好高興你喜歡 :)
刪除好靚櫻花。謝謝分享。
回覆刪除好高興你喜歡 :)
刪除