影雀一向器材門檻太高,今次呢個團話200mm都夠,當佢作大,咁我有300mm都勉強夠呱?而且佢有長尾壽帶,平時唔容易見到.去到好多人,個架步係有個大鳥籠,前面係園景,中間係池塘,後面就係座位,朵荷花距離好近,不過200mm真係要坐第一排先得,300mm可以中排,600mm就可以後座.
壽帶唔會咁得閒特登飛出來畀你影,鳥場有位大叔下身着晒防水衣幫大家放蜻蜓,佢行開冇耐雀就會飛落來,咁樣影真係爽,唔駛得個等字.壽帶長尾係好靚.
原本有諗過帶100-400mm,最後帶咗300mm,好彩係咁,當日微雨陰陰天,開盡F2.8都要過千ISO先有1/1600秒快門.白色壽帶比較小飛落來
影完低位仲有高位,之後就到午餐,都叫做正常團餐,唔駛捱飯盒.
熟架步既人三扒兩撥就食完,原來太陽鳥飲水開壇,失咗先機又係第二排,太陽鳥好細隻,第一排距離真係觸手可及.好易影,基本上飲水時係好定.
跟住燈籠花換成大紅花,呢個時候仲落埋雨,既然咁定,我想影大隻啲可以裁小啲就加咗1.4x增距,快門下降到1/320秒,影飛緊既雀來講係超慢,居然又得喎,旁邊既人仲話用到1/125秒都得.
又有消息隔離有斑魚狗爆水捉魚,死火,個天好暗,影啲咁動態既嘢,冇計,只好夾硬谷ISO,光圈開盡,快門1/1000秒,ISO要去到4000.雖然係咁依然張張都炒晒,最後,居然有一張可以,唔駛食白果.呢篇網誌好耐之前就寫咗,後來鏟咗因為有人話咁樣係虐鳥,不過既然都影咗就照出啦.藉口自己去了動物園.
很精采的一刻，都給你用相機留住了！
回覆刪除謝謝你的鼓勵 :)
刪除長尾壽帶條尾好長好靚.
回覆刪除影相最啱 :P
刪除張張相都好靚，超讚！我就完全唔覺得係虐鳥，又冇綁住隻雀仔，又冇餵佢食迷藥，何來虐鳥？如果他批評是擺拍，唔夠自然，我都無話可說。再三看看相片，不如說係虐蜻蜓好了。
回覆刪除謝謝讚美,啲人批評係有鳥籠困住啲雀,冇自由,同動物園差唔多.
刪除如果咁講，香港公園的雀鳥園便是虐鳥了，海洋公園的熊貓館便是虐熊貓........😂
刪除都有人咁認為架.
刪除What beautiful and majestic creatures! Birds are great, you can really admire them.
回覆刪除Thanks very much, have a very nice day.
刪除我沒看過壽帶鳥. 它的眼睛好可愛.
回覆刪除謝謝觀賞 :)
刪除幅幅長尾鳥都超靚 , 原來影鳥要咁多技術 , 謝謝你的分享讓我認識長尾鳥動態美和攝影知識 .
回覆刪除謝謝你的鼓勵 :)
刪除