早排去五指耙公園打疍時朋友問起哪裡可以影滾軸溜冰,於是我就留意吓,見到有就通知佢.原本都影到有啲厭,因為都係不停一個動作.不過佢又想我陪佢因為佢未影過,咁我就一齊去啦.
以往都係柴灣公園搞,今次呢個機構喺荔枝角公園,之前一直都係影近自己呢邊,已經有個諗法係帶支長鏡影對面,今次可以順便實驗吓,跟翻上次用1/50秒快門,這個速度成功率還可以.而且起步位置可以影到較多人.
朋友問我用多小快門,聽到之後覺得好驚訝,佢話要用1/6秒先有動感,雖然成功率會低啲.這對我來講基本上係冇可能,橫掂都影咗啲,我就下試1/40秒,點知跟住好多都係小朋友隊,速度好慢,1/50秒效果冇乜,於是試到1/25秒,點知突然間有一隊較快,以為衰梗,估唔到有一張得.這效果對我來講係有點太過.
咁都要影翻上次影既距離,我記得上次係用135mm影,幾舒服既距離,由於已經有100-400mm既關係,所以可以一支過唔駛換鏡.唯一變數係如果有人坐好前遮就侷住要用短鏡,好彩嗰日唔多人.
下午翻來,哎呀,改咗做障礙賽,繞雪糕筒再衝去執豆袋,真係好慢,我較到1/30秒,都叫做有點效果.
真係好有研究。
回覆刪除謝謝你的鼓勵 :)
刪除Wow, the photos look amazing. Well captured movement!
回覆刪除Thanks very much, have a very good day.
刪除主體突出、背景模糊才顯出動感，如何「鬥慢」真係好有學問，可能要拍好多次才得到經驗。島兄對速度（曝光速度）甚有研究。
回覆刪除謝謝你的鼓勵,實情係要拍好多張先有一張成功 :P
刪除1/6秒，要高高手先掂，有時候唔係隻手唔夠定，而係隻手擺鏡的速度要同主角的移動速度完全一致，真係唔容易。
回覆刪除除咗速度一致有時仲要小小運氣,有啲運動員移動時個頭會上下擺動,咁就算同步都一樣會矇.
刪除謝謝你的分享才知到原來影相有那麼多學問 .
回覆刪除謝謝你的鼓勵
刪除