呢排FB日日被小翠炸版,我見有啲人似乎係日日去,影極都唔厭.誓要影遍小翠在公園每一角落.既然咁常出,我又去八卦吓.
午餐後出發,多人到嚇死人,除咗曝曬既地方,幾乎成個湖邊都企滿人,見到餐廳老闆出來同啲人講唔可以放腳架喺啲枱旁邊,會影響做生意,小翠選擇最窄嗰個位爆水,個位就算第三排都逼到爆,所以我就放棄咗,跟住一路都靜英英,等到四點諗住走,小翠居然出來同大家打招呼,正正就係去中間冇人既地方,仲要係最近嗰個蓮蓬,全世界一擁而上,啲腳架攞唔切,個個手持影反而有啲空位,我都執翻張.
陽光冇咗,柔和既光線本來係好,但快門下降到好危險既水平,尤其小翠分分鐘一陣間就飛走,太博可能冇相,果然飛走,好在係停在另一個蓮蓬上,死就死啦,照博,好彩都影到.
有收獲正想走人之際,大翠居然出埋來,距離就遠好多喇,但有荷花同蓮蓬豐富構圖.
很幽美啊！
回覆刪除謝謝你的鼓勵 :)
刪除張張都好靚
回覆刪除謝謝你的鼓勵 :)
刪除日日去影真係好佩服，我家的小公園有時都有一大班龍友係到等影小翠﹗
回覆刪除有個人話都唔知去邊度好就來咗呢度.可能太多時間.
刪除小翠大翠都好靚，唔怪之得咁多粉絲。
回覆刪除影呢類相，我唔會理會條件是否適合，影咗先算，因為好多時都稍瞬即逝。
咁影咗但係唔靚會好可惜嘛,所以都一路留意住光線變化架喇.
刪除