北區公園打飛

鴨腳木加上相思已經影過很多次,今次要增加難度打飛.FB見到北區公園有得影.

要影凌空既相思必定要高速快門,所以必定要是陽光普照的日子.由1/1600秒快門試起,卒之要去到1/3200秒先叫做冇咁易矇,相思移動時會跳跳吓咁,撞得中既話就可以影到在空中喇.

但只係跳躍好似有啲呃人,點都要影到張翼飛行先得,自從高階機有預拍之後,網上多咗好多雀鳥起飛的相片.我部老爺機係冇,唯有靠撞,見到郁先影一定已經飛走咗,我係見相思想郁就開始打空炮.例如佢企定定望遠處或者郁完停一停就要行動.

忽然有雲遮一遮個太陽,快門被迫降至1/2500秒,但極好運有隻相思在空中定咗一定,反而影得最清楚.

你會發現所有相思清既啲花都清,基本上要對焦隻相思我部機係唔夠快,只能夠應付到橫向移動既情況,相思往前或後飛就會對焦失敗,臨尾好好運有相思打交.又執多張.