影蟹仔影日落

搭車冇遠就去到有泥灘的地方影蟹仔.初時仲擔心好難搵,原來通度都係,只係因為大細粒平時冇乜留意佢.

泥灘要扒地可想而知有幾污糟,打算搵匙更搬隻去高位先影啦,係唔得架,都未埋到去啲蟹仔已經損翻晒入泥窿度,成個扒落去翻到屋企老婆實鬧死.只好出動四點法,即係兩個膝頭及兩個手肘,看我的太極起手式.

四點式始終都係斜斜地,背景都係有啲花,出絶招三點式,即係成隻左手落晒地,其實頭都幾乎到地.由於蟹仔舉手只係一出即收,用唔到景深合成,我又鐘意影到好大,結果兩隻鉗係有啲矇.背景總算是冇嘢啦.

蟹仔其實影來影去都係差不多,影一陣就夠,呢排成日燒天就諗住影吓日落.果真有小小燒,個位仲對住慈山寺個觀音像,加啲味精都呃得吓人.

仲有小小紅,撈埋啲餸汁先走.