搭車冇遠就去到有泥灘的地方影蟹仔.初時仲擔心好難搵,原來通度都係,只係因為大細粒平時冇乜留意佢.
泥灘要扒地可想而知有幾污糟,打算搵匙更搬隻去高位先影啦,係唔得架,都未埋到去啲蟹仔已經損翻晒入泥窿度,成個扒落去翻到屋企老婆實鬧死.只好出動四點法,即係兩個膝頭及兩個手肘,看我的太極起手式.
四點式始終都係斜斜地,背景都係有啲花,出絶招三點式,即係成隻左手落晒地,其實頭都幾乎到地.由於蟹仔舉手只係一出即收,用唔到景深合成,我又鐘意影到好大,結果兩隻鉗係有啲矇.背景總算是冇嘢啦.
仲有小小紅,撈埋啲餸汁先走.
蟹仔幾得意呀！姿勢又靚。
回覆刪除謝謝你的鼓勵 :)
刪除蟹仔影得好清呀，好得意。
回覆刪除謝謝你的鼓勵 :)
刪除咁你咪扒咗地好耐
回覆刪除Ｄ石仔頂住都幾係喎
的確一分耕耘一分收獲
係架,扒到頂唔順就起身休息一陣間囉.
刪除蟹仔好得意, 在相機窗口見佢係咁伸, 我都笑了。
回覆刪除日落個張加少少味精都好自然喔, 景都几靚, 留意下之後日子的日落位會唔會右呢, 觀音像伴有日落就正。
估唔到蟹仔不停做動作,大把機會影,個日落都係離觀音太遠,近啲就正.
刪除Philip, 你好犀利呀! 蟹仔見到你立即舉起雙手投降啦!
回覆刪除黃昏照片好靚, 有觀音的很好, 不過最後一張的紅霞更嬌豔!
謝謝你的鼓勵,其實蟹仔係不停咁自己舉手,唔關我事的.個太陽如果再近啲個觀音就好.
刪除為藝術而犧牲，影到靚相，扒地都值得。
回覆刪除哈,犧牲咗條褲啫 :P
刪除啲蟹仔都有保護色喎, 同沙灘啲沙嘅色調一致咁噃 🤣
回覆刪除蟹仔舉手 ❗️ 嘻 嘻.. 晤知為乜呢 ❓❓
都欣賞了👍 謝謝分享靚相 🙏
謝謝觀賞,我都唔知啲蟹仔做乜不停咁舉手 :P
刪除主菜蟹仔不及夕陽壯麗，它高擎雙螯，一但受綁，能再橫行？
回覆刪除謝謝鼓勵,啲蟹仔其實超細隻,任佢鉗應該都唔痛 :P
刪除蟹可以代表惡霸 - 橫行無忌、張牙舞爪的行為。
回覆刪除可惜佢咁細隻,惡晒有限 :P
刪除