大澳出現新蝶品種.幸好是在着燈之前,否則會令已經不勝負荷既大澳更加雪上加霜.入大澳真係超遠,先去東涌個幾鐘,再轉巴士又成個鐘,仲要行多三十分鐘.前後三個幾鐘日本都去到.
呢隻蝶叫做珍灰,聽講馬來西亞先有,我已經特登請假平日先來,但都係有成三,四十人喺度,隻蝶出沒好有規律,幾乎實係嗰個位附近.不過就停得比較高,我支180mm加埋1.4x都仲係好細粒,亦實在太多人,郁都郁唔到,只好勁裁佢,有條咁有型既尾又真係幾靚.
好在外面有迎客蝶珐灰交尾,個個有得影,皆大歡喜,三十幾度高溫加上曝曬,水好快耗盡,原本仲有目標蝶都唔搵喇,出到茶餐廳唔該大水一支,飲晒去到東涌再買多支大水又飲晒,幾乎中暑.
