上次去大澳一心影珍灰影得麻麻,反而最大收獲係影到珐灰交尾.
係影咗好多張,不過最鐘意都係影得最大隻同光線最平均嗰張,可惜....就咁睇好似冇乜問題,兩隻都清.
但一放大,就睇到左邊嗰隻塊翼係有啲矇,達唔到可以睇到一條條毛既程度,好在早有準備,影嗰陣己經專登影多張對焦翼尾清既相,諗住重施故技做景深堆疊.
點知一夾...錯晒位,似乎電腦係用咗條尾部份對準,但影相過程中對蝶應該郁咗.
由於我只係想要左面嗰隻既翼清翻,於是決定手動搞搞佢,先將預備疊上去嗰張改成50%透明,咁就可以人眼睇位,只要左面隻翼既花紋對正就可以,要留意用滑鼠或者鍵盤移係冇得轉角度的,只可上下左右移.要轉的話只可估角度轉咗先再搬埋去,唔啱位就要再轉過.好在都唔係想像中咁難.
之後用筆刷擦翻隻翼出來,再補補崩咗個小小就大功告成喇.
