大失所望美式足球
呢個好遲先通知有得影,但係未影過所以點都要抽時間去一去.比賽只有一場,應該好快打完,要打醒十二分精神,唔太多機會影.
睇電視見人地美國嗰啲係好衝撞性的,可以夾硬撞到成個人飛起,幾茅都得.所以要戴晒頭盔,護甲.但今日所見真係悶到嘔白泡.多數都係開波唔夠兩秒就成堆人黐埋一舊.好多時連波都未搵到來影已經又吹雞.同埋佢地好唔乾脆,點樣開波都可以商量幾分鐘,等多過影,好難得先有一次仲見到波未變成人山.
唉,又跌低冇得跑.又要再開波,我拍檔影咗一陣,話睇死佢永遠都過唔到來,都係去場中間影算數,咁無謂個個走晒,我就留守底線啦.
等多過影唔係好對路,都係影吓開波攬芋充數先,陣間唔夠相就弊.
原來吹停時間係唔計鐘的,唔駛估都肯定係停既時間多過比賽時間.見啲球員一啲都唔急,慢慢商量好晒先開波,同七人攬球嗰種緊氣氛完全係兩回事.連射波都可以搵人按定再度幾次位先射的,真係俾佢悶到就來發火.
終於有人可以衝出重圍,其實佢打法同攬球差唔多,只係多咗個頭盔,諗住好勁點知就大失所望,算啦,影一次見識吓,下次都咪搞.
電視見的是美國專業精英,點可以比。牛脾同蚊脾?
回覆刪除冇諗到可以差咁遠@@
回覆刪除唔知點解我冇辦法在你處留言.
回覆刪除Hello舊blog友!我是狂小子Time Is Changing……
回覆刪除我的新地址在下方:
http://timeischanging2013.blogspot.com/
希望大家可以進來我blog的揮手區「留個名」給我……
讓我方便在往後可以一一「追蹤」你們和不要走散!謝謝!^0^"
好高興見到你.
回覆刪除島sir,恭喜新居入伙!
回覆刪除我仲未搬好....
新址: http:herotang1111.blogspot.hk/
Hero,好高興見到你.
回覆刪除Hero,你個連結無效,有冇打錯字?
回覆刪除我一舊雲, 點解你個blogspot, 唔似BK嗰個可以追踪? 咁點様訂閱或關連你呢?
回覆刪除我開左戶口, 未寫blog, 我係你處可以用到"yellowline"呢個名稱, 但去到BK處只可以用"黃線". 你既blogspot同BK既blogspot好唔同, 唔知係咪你用左hk.blogspot既緣故.
回覆刪除我都唔知點解零零舍舍我呢度咁亂.我原本冇加-hk的,但係佢又話個名唔用得,咁咪跟佢指示架囉.
回覆刪除都係有點摸不著頭顱⋯想加你落我的閱讀清單一直說沒有這blog@@你同Yellowline 都要打騐碼⋯呢個可以係版面嘅處改!
回覆刪除Goggle同Yahoo都係問題多多.
回覆刪除島耕作的留言變了意見?
回覆刪除這輯欖球拍出緊張一刻 ^_^
奇怪??
回覆刪除留言欄上顯示出一句
您的意見在核准之後就能被看見。
多謝BK, 原來咁樣加人, 在Reading List(閱讀清單)裏頭, 有add, 把連結貼上去就可以, 知道就覺得好簡單, 未知時候, 矇查查在蜘蛛網陣中迷途.
回覆刪除島sir, 你要快快改setting, settings裏頭的post and comment, 有一欄comment moderation和另一欄show word verification, 修改過後, 其他blog友才可以方便留言.
回覆刪除美式足球係香港都唔留行!
回覆刪除你呢度留言要打騐驗碼⋯打完仲出句"您的意見在核准之后就能被看見"你set左乜?@@
回覆刪除島sir, 設定(settings) --->文章和留言 (posts and comments)---> 修改1)驗證 2)留言管理 3)留言位置 ---> 那一眾blog友就可以方便留言了.
回覆刪除依家我地要驗証, 仲要等你批淮至可以現身呀.
黃線,我已經改咗任何人可以留言同埋冇驗證碼.但留言位置唔知要改乜呢?
回覆刪除B King,我都係第一次知香港有人玩美式足球.
回覆刪除亞飛,原來你地既留言變晒要我發佈先出到,真係越來越多麻煩嘢.
回覆刪除島sir, 係同樣既地方, 文章與留言--->留言位置--->選擇嵌入式(就似之前Yahoo blog的), 如果選整頁模式,就似你依家咁,全部順序列在下方.
回覆刪除唔係wor,島sir,你仲未改掂呀, 仲要驗証同核准呀.
回覆刪除唔係呀,我已經揀咗嵌入式架喇.都唔知乜事.
回覆刪除幾經辛苦才找到留言地方. 為何設得如此隱閉? 一般在文章尾就是回應位置的.
回覆刪除咦, 留了言又不見了, 還說 "您的意見在核准之後就能被看見", 又要輸入驗證碼, 真煩, 又複雜. 島兄快簡化手續啦.
回覆刪除我都想搞,但搞來搞去都係咁@@
回覆刪除谷歌真係都幾惡搞架,希望能喺Wordpress 見到你!
回覆刪除我搬咗去wordpress喇.http://mokphilip.wordpress.com/
回覆刪除