2016年4月7日 星期四

晚上的色溫

一連幾個星期唔係落雨就霧霾,室內又冇咁多嘢影,只好俾錢啦,俾錢就實有.


之前已經來過中環影夜景人像,用過黃色閃燈filter,本來黃街燈配黃filter應該最適合,只驚唔夠街燈黃,不過中環頭呢排排骨光源似係光管多啲,影出來背景好藍,藍都有藍既味道既,不過我想試吓可唔可以準色啲,就用咗錄色filter,我次次用啲人都會好好奇,走來問我想玩乜特別效果,吓……..其實我想最冇效果至真 :P


咁啱又係白光,順理成章又係用錄色filter,唔知點解硬鐘意搵埋啲柱呀,牆呀咁做背景,我覺得好唔夜景.
 
來到用翻最普通既大厦背景,諗住用翻黃燈啦,點知同肉眼比都係偏藍,用錄燈反而近似現場顏色.

呢個位就冇法喇,因為黃燈直照,唔知係咪背景大厦太五顏六色呢?又唔係好覺明顯偏藍喎.今次帶咗兩支燈來,諗住一支主體,一支背景,但我得一個綠色filter……@@
 

張貼留言