山高100m都冇,一陣間就上到頂,咦,唔多妥,周圍啲草都生得頗高,已經企標高柱旁邊,zoom到50mm都仲係見到好多草,香港啲觀景台好多都係咁.多數都不及民間自行發掘既觀景位.
諗住來影油庫日落嗰邊仲慘,樹高到幾乎遮晒啲油鼓咁滯,已經知道油庫個景一定唔及青衣南灣角,但估唔到差成咁,其實今日天色算幾靚架,算啦,影多啲個天.
來到夜景時間,油庫夜景真係一啲睇頭都冇,改個方向,影翻過去一號大樓嗰邊,平時去機場巴士就係行呢條路喇.這個景雖然有啲亂,都叫做見到星芒,飛機啦,可惜前面嗰舊草真係好大,夾埋真係麻麻地.
撈埋汁,去翻標高柱影埋啱啱來個景既夜景,時間其實有點遲,天已經比較暗,求其影一張就收工.
沒有留言:
張貼留言