2017年8月18日 星期五

四探蛇嶺

印象中應該係第四次來蛇嶺.頭一次見到蛇嶺個箭咀照入諗住冇死,點知係村,路被關上鐡閘,第二次自己睇地圖搵咗個比較似樣既入口,點知又係入咗唔知乜村,喂,老友,你入來做乜?影日落,去馬草壟啦.再三睇清楚入口係罐頭形軍營,罐頭呢兩個字好關鍵,因為係有兩個軍營,同小巴司機講話軍營落有九成機會落錯車.終於搵啱路喇,不過超大霧,而且超大風,未到拍攝點已經掉頭走.襯住好天,帶隊去多次個咁隠閉既地方,司機好醒,一睇就知我地係去影相,仲懶叻咁教我地去馬草壟,我試過好多次,無論問任何人,都一定係叫你去馬草壟.冇人知蛇嶺係可以影相的.到我話要落車嗰吓大家都好驚訝,今次來條路啲草長咗好多,幾乎遮晒條路,我都有啲猶疑以為行錯路,好彩有村民指示話啱路先敢剷草入去.


路斜度很細而且得一條路,包唔會迷途,大約45分鐘就可以登頂,標高柱寫住鐡坑山,可能呢個先係真名.上次來日落非常遠,會有兩個山頭遮住,應該係季節唔同,位置改咗,再冇被山遮住,由標高柱過去拍攝點要走一小段路徑不明顯既山頭.驚要剷林帶埋勞工手套來,不過原來好平坦,慳翻唔駛用.


跟住自然係影埋夜景.呢度個景實際上跟馬草壟好相似,事實上向東望係可以睇到馬草壟.不過梗係照影啦.

沒有留言:

張貼留言