白晝兇鈴

已經係上年11月既事,無啦啦推出老人家肥雞餐.咁多個選擇都係好既,話晒係自願,唔係強迫.不過.........如果反應唔理想,就會有第二波強制裁員.咁即係侷賭.合資格老人家百幾個,有五十幾個選擇食雞,諗住都夠數啦,原來唔係,仲要炒多三十幾個先夠數...

新年流流,各位同事,大家聽完呢個簡報會後唔該翻埋位,如果你被選中就會收到電話叫你上人事部攞埋啲尾數.成個辦公室都充滿恐佈氣氛.一有電話響就好緊張,而我....竟然有電話入,妖,星展銀行,你去死啦,忍唔住爆咗粗.時間一分一秒過去,諗住都完喇呱?估唔到茶水部阿嬸係最後一個,睇住佢上完人事部翻來喊晒同同事道別,卒之搞到成班女仔都喊埋.有冇搞錯呀?炒阿嬸慳得幾多錢?
雖然我冇被揀中,不過我呢啲老鬼睇怕我都擺唔耐,希望有幸能夠捱到下一次肥雞餐啦.