2019年6月20日 星期四

再探天際100

上到咁高睇到既景係幾靚既,不過價錢真係離晒地,6月做推廣身份證有……唔記得乜嘢字就可以買一送一(其實都仲係好貴),咁就去多次啦.


上次用衣架遮光法都係覺得好論盡,所以今次淘咗個用吸盤既伸縮衣架用來掛黑布,範圍可以闊好多而且唔駛用一隻手攞住,不過唔知點解硬係見到自己倒影.日落好快就冇,冇時間慢慢搞,影咗至算,今日好好彩個天幾清,記得有次來係乜都睇唔到.有埋火燒天就好,世事冇咁理想.


順便影埋個夜景,見到旁邊有人用可以固定在鏡頭既反光板.有啲人仲大塊得好誇張.睇來好似幾work.後來朋友問佢地邊度買,原來係有得借,即係9.9秒跑去借啦.唔好意思,我地得翻最大嗰隻,啱晒,我就係想有咁大得咁大,結果,證實係冇用既.除非鏡頭貼實玻璃,否則經反光板反射既光線仲多過唔用.即刻俾翻佢用自己方法影,始終去唔晒啲反光.之後當然係影埋幻彩詠香江,好出奇今次只係得兩間大厦有激光出,而且係好散同唔多光嗰隻,影完都唔靚.事後回憶翻我上次係有遮住機背的,自己既方法自己都忘記咗,抵死.

18 則留言:

  1. 「自己既方法自己都忘記咗,抵死.」哈哈!我仲無記性,有一段時間無影相,連基本的忘記!

    回覆刪除
  2. 登樓費用係好貴,但係唔洗你爬上山噃....抵啦! :p

    回覆刪除
  3. 影得好靚呀,點解你吾換番個頭像相?

    回覆刪除
    回覆
    1. 謝謝鼓勵,我唔識換頭像相呀,我唔同你地的,個log in一路都係話我error @@

      刪除
  4. 天色唔錯, 有夕陽有雲呀!

    回覆刪除
  5. PandaJoice:
    俾錢上到去,好幸運能見度都幾高!

    回覆刪除
  6. 回覆
    1. 謝謝鼓勵,不過係有反光既,尤其夜景嗰張.

      刪除