2019年12月31日 星期二

加入航拍

弟弟住的地方立例大於某一重量的航拍機要攞牌先飛得,變咗冇得用就決定益吓我.諗住好簡單,開機就飛,事實上都要睇一大輪說明書同教學影片先開始到.掉以輕心好容易好似鐡達尼號咁首航就炒機.


初初諗住去樓下運動場試,但有人走來走去都係驚危險,結果就去大水管,應該冇乜人.控制其實好直接,要停就停,要行就行,反應好即時,平時冇可能咁既角度影到火車,可惜部機只有1/2.3吋cmos,同電話咁上下.低光唔係好掂,所以我係日光日白先試飛.幸好有得影raw,都仲可以執吓相.


景就得一個,我決定要試吓挑戰高度,說明書話唔好飛高過200m,嘩,好低喎.我見人地都冇咁低.為咗就算炒機都唔會有傷到人,選擇咗原地就咁升高.就算跌落來都係喺我旁邊散,續小續小升高,最後去到500m好似都冇乜事.原來鐡路旁邊係瀘水廠.好喇,降落翻屋企.

16 則留言:

  1. 航拍好正呀!

    迎~2020
    新一年願
    香港安定
    各業興旺
    家家和諧
    人人樂業
    💚💚💚

    回覆刪除
    回覆
    1. 謝謝你的祝福,新年快樂,身體健康,恭喜發財 :P

      刪除
  2. 你兩張效果都唔錯喎,睇來都難唔到你

    回覆刪除
  3. 我唔敢玩航拍,只怕投資咗一畢錢卻搞唔掂就認真破費,你呢兩張效果都唔錯噃?

    回覆刪除
    回覆
    1. 謝謝誇獎,效果坦白講麻麻地,我一路唔敢玩主要都係怕危險 :P

      刪除
  4. 原來沙田外仲有其他污水處理廠

    回覆刪除
  5. 新年快樂, 身體健康!
    有無興趣買部呀, 拍出來真係震撼好多。
    咁多一圈圈係水廠嗎? 高空下几得意!

    回覆刪除
    回覆
    1. 我弟弟已經俾咗我喇,唔駛買,一圈圈我估係瀘水廠,新年快樂,身體健康,恭喜發財.

      刪除
  6. 正喎又有新玩具
    你想再高D影.....
    通常D人都要上山起機

    回覆刪除
  7. 好似幾好玩, 有點做間諜的感覺!

    回覆刪除
    回覆
    1. 我反而覺得有啲驚,好似P牌出車咁 :P

      刪除