2020年1月23日 星期四

航拍第二擊

上次大水管影既相麻麻,由於只係電話質素,所以要靚景先決,於是去都唔算好遠既馬草壟.之前搭51K已經古古怪怪,小巴站既51K係去河上鄉的,要行去另一個位有一架又係51K特別班先係去馬草壟的.今次竟然冇咗,問站台先知改咗51B.一睇班次,嘩,20至60分鐘一班咁虛,既然來咗就只好等,好在都唔係等咗好耐啫.


要避免大反差最好早上順光影,由於又要睇屏幕又要睇架飛機去咗邊,我攞咗塵封已久既漸變眼鏡來,接駁之後出現紅色警告字眼,裝置在放電,乜搵咗咁嘢搞,飛飛吓冇電會唔會炒機架,但係遙控同主機電量又似乎冇乜急速下跌,咁就速戰速決影幾張就算,上次以為飛咗五百幾米,我估應該係五十幾米, 因為飛到七十幾米已經唔係好睇到架機.但係唔再飛高喇,一來有啲擔心電量問題,二來我想要埋啲樓,角度太大陣間拉直會裁太多.降落後我知乜裝置放緊電喇,係我部電話,一拔出遙控即刻冇電熄機.要研究吓點解會咁先得.影完張相好淡色,我要事後狂加飽和度先好啲.

16 則留言:

  1. 航拍,的確令我們視覺更廣,很棒!

    回覆刪除
    回覆
    1. 拍到地面不可能拍到的角度,構圖彈性大得多.

      刪除
  2. 航拍是另一角度,有新鮮感。

    回覆刪除
  3. 啲色唔錯吖,航拍視野真係廣濶啲。

    回覆刪除
    回覆
    1. 啲色係加咗好多味精,原相好淡色.視野真係開揚好多既.

      刪除
  4. 從高空拍攝的景象,平時不會影到,原來又不易操控呢!

    回覆刪除
    回覆
    1. 應該係我唔熟習,實際操控都幾直接.

      刪除
  5. 終於買了飛機了, 正呀!
    上帽山不用行到頂也拍到靚景了!
    新年快樂, 萬事如意, 身體健康!

    回覆刪除
    回覆
    1. 上次大水管已經有用飛機啦,新年快樂,身心健康,恭喜發財.

      刪除
    2. 新年快樂,身體健康,事事順利.

      刪除
  6. 恭喜發財,航拍視野夠廣闊,唔使行上去就影到靚景,真不錯呀!^ω^

    回覆刪除
    回覆
    1. 恭喜發財,身體健康,其實都要行翻咁上下高,因為完全望唔到架機我唔係太識駕駛 :P

      刪除