影交尾

朋友通知有秘位可以影長尾藍交尾,日日都有幾對.為咗確保我影到,仲見到先見我出發,幫我睇住,真係唔話得.

要超過一個鐘先到達,而對長尾藍真係仲交緊尾.慢慢影到靚為止.

影完正光影背光,其實我係比較喜歡這張的背景色.夠晒光猛同鮮色,可惜下面嗰隻翻到屋企睇先知道係爛咗小小.

目標已達,又到食飯時間就去食咗飯先啦.出到門口見到有咖灰交尾,冇理由唔影埋啫.雖然之前都影過,不過今次停既地方不同.而且好定不用花太多精神.

食完飯翻來對咖灰竟然仲喺度,呢個時候附近又發現咗呢對異形,之前影佢都係強光下,眼睛留下很難看的多邊形光點及極大反差,今次在樹陰下可以影到純橙色既眼睛.有利有弊,樹陰即係暗,有啲唔Sharp.而且影得一次佢就飛走咗,殘念.