淋坑山

這是個即興出發的好地方,雖說在天水圍,可山不高,路也不險,沒太多體力及技術的考慮.

很多分支路都可以上山,跟跟吓我都冇跟,只一味向山上行進,好快就到頂,不過原來橋喺另一面,唔緊要,行過去都好近.今天雲層比較低,看來是不會燒天了,竟然.....搞搞吓喺我頭先過來嗰邊燒.走過去恐怕趕唔切,就白白放棄咗.柳暗花明又一村,跟住到呢邊燒,雖然麻麻地,好彩冇趕過去又兩頭唔到岸.

影個近景睇清楚啲蠔排.實在應該帶航拍機來,角度會靚好多,不過懶,同埋日落低光影完都係爛,搵日好天朝早來算啦.陣間又手忙腳亂乜都影唔到.

最後影埋條橋,好可惜日落位置唔係好就到,只好影個普通夜景.路太多都唔記得咗邊條路上來,只係一味向下走,去到山腳變咗繞圈,好彩又俾我出到去.