早排呢度搞到爆晒人,要人流管制.連Google Map都新增咗呢個地方名,我都襯熱鬧去影吓相思仔.有諗過不如近近地去粉嶺影,但紅花風鈴做背景已經影過,櫻花就未,為免重覆,遠就遠啦.
死火,冇帶帽,天陰陰諗住唔駛戴都得.點知曬到爆,好在搵到個位有遮陰,否則變黑人.代價就係在欄杆裏面,唔怕曬企出面可以近啲.有藍天比陰天死白好得多.
今次用咗300mm加1.4x增距,裁得都幾盡,應該係加2x好啲既,但一冇陽光就會好粗,陰影處反差冇咁大,感覺好雜亂.
想見到多啲櫻花隻相思多數要細隻啲,要有啲取捨.
其實冇乜技術可言,啲相思走來走去,睇清楚姿勢先影分分鐘已經走咗,總之一見有就狂影,構圖其實都冇,我全部係中心點對焦,反正影出來好細粒,後期先慢慢裁啱構圖.
好春天 feel ~
回覆刪除謝謝觀賞 :)
刪除櫻花好靚。我方還冇睇到呀。再過兩周可能開花。
回覆刪除日本一定靚好多啦 ;-)
刪除鳥鳴花開!春來了!
回覆刪除又到花開季節 :)
刪除相片色彩好清新,相思仔好可愛。
回覆刪除謝謝你的鼓勵 :)
刪除你影相思好掂!我上次去禾寮墩影吊鐘花都有唔少相思仔,但牠們不停跳來跳去,每個位停留不足一秒,結果一張都影唔到。😂
回覆刪除謝謝鼓勵,係跳來跳去的,我都係亂槍打鳥,見到就狂影,冇乜章法 :P
刪除好多人,我都無去!
回覆刪除確實係超多人,如果唔係走入欄杆內,只可不停咁行,冇得停低慢慢睇 @@
刪除