2023年3月21日 星期二

添馬公園發光玫瑰

花展太迫人,走去影吓死物.這個景其實之前出過,當時冇影.

五點半就開燈,不過唔多睇唔到,天太光,之後天色變暗就開始明顯但天空依然太光,所以先影吓冇天空嗰邊.

終於等到天夠暗,就影張有紅又有藍,最多花既構圖.啲花發光會有光差太大既問題,唔係花爆光就係周圍黑晒,而且因為近既花太近,會有景深唔夠既問題.於是要HDR再加景深合成去處理.由於HDR要不停改光圈快門,好易郁到部相機,我設定咗用包圍曝光同電子快門,要郁既只有對焦環,果然事後連對正都唔駛.


紅色花似乎好易爆飽和度,決定走出啲只影藍花,花小咗但確係易啲出到啲紋.


16 則留言:

  1. 紅花真的很難拍得好。呢度好正,好似你包場。

    回覆刪除
    回覆
    1. 其實遠處都有啲人,廣角鏡影變咗好細粒.好彩欄住唔俾人走入去.

      刪除
  2. 感覺好似好大型,我都覺得紅色花特別難影得靚!

    回覆刪除
    回覆
    1. 只係鏡頭效角,頂盡係中型,紅花好易爆,有時要特別降低飽和度.

      刪除
  3. 靚呀, 這個都擺左一段日子, 以為完了, 原來還在.

    回覆刪除
  4. 原來有呢啲發光嘅花,都幾靚呀!如果天黑哂先影會唔會over哂呢?

    回覆刪除
    回覆
    1. 理論上HDR都搞得翻,不過天空黑晒冇咁好睇.

      刪除